Hövzə xəbər agentliyinin məlumatına görə, mərhum Ayətullah Hairi Şirazi namazın keyfiyyətinin əhəmiyyətinə xüsusi vurğu edərək bizə xatırladır ki, namazı gözəlliklə, ədəb və qaydalara riayət edərək qılmaq yalnız Allahın razılığını cəlb etmir, eyni zamanda gələcək nəsillərdə sevgi və maraq oyatmaq baxımından da ilhamverici ola bilər.

Mərhum Ayətullah Hairi Şirazi buyurur:

“Namazınızı gözəl qılın. Təmiz və səliqəli səccadə sərin. Namaz üçün xüsusi bir otağınız və ya məkanınız olsun. Ora ətirli və təravətli olsun.
Siz namazınızı ruhla və şirin bir şəkildə qıldığınız zaman, uşağınız da namazınızı sevəcək. Necə ki, Allah sevir, uşaq da sevir.
Amma əgər namazı tez-tələsik və səthi şəkildə qılsanız, nə uşaq bəyənər, nə də Allah razı olar.
Elə bir namaz qılın ki, Allah razı qalsın, uşaq da onu sevib namaza meyil göstərsin. Çünki uşaq ilahi fitrətlə doğulub.”

Mənbə: Rah-e Rəşt (Rəşt yolu), cild 4, səhifə 97